Circular informativa Campamento Urbán en Inglés
Foron admitidas/s todas/os nenas/os que a día de hoxe figuraban inscritas/os no Campamento Urbán en Inglés 2015.
Campamentos deportivos 2015
Desde o luns 13 de xullo ata o venres 24 de xullo a Concellería de Deportes que preside Javier Facal celebrou o campamento deportivo cunha participación exitosa con máis de 40 rapaces xalleiros.
Na primeira quenda entraron os nenos de 9 aos 12 anos.
Na segunda quenda entraron os nenos de 5 aos 8 anos.
Os participantes desfrutaron de xornadas de baloncesto, cachibol, padel, xogos na natureza, fútbol, xogos de pilla, xogos musicais, coa novidade de capoeira e cunha clausura con inchables na piscina descuberta.
Os monitores que colaboraron, de maneira voluntaria, co departamento de Deportes foron Cleiton Santos, Natalia Solis e Iván Solis.
Santa Comba imparte dous cursos formativos
O concello de Santa Comba organiza dous cursos para persoas desempregadas, entre eles un “creación e xestión de microempresas” que será o primeiro en impartirse e conta con prazas limitadas.
O curso de “creación e xestión de microempresas (curso nivel 2)” estará operativo desde o 12 de agosto e ata o 30 de novembro. Neste caso xa se está coa selección pública dos alumnos/as que aínda poden informarse na Oficina de Formación (Edificio multiusos 981818710-663728782).
O 18 de agosto iniciarase o curso de “atención sociosanitaria a persoas dependentes en institucións sociais(curso nivel 3)”, que rematará o 21 de novembro.As dúas modalidades formativas foron concedidas pola Consellería de Traballo e Benestar, sendo cofinanciados pola Xunta e o Fondo Social Europeo.
Obradoiro de Emprego
Baremos provisional de selección de participantes na oferta de directivos do Obradoiro de Emprego, Terra de Xallas de Santa Comba referentes a:
– 1 director (xornada completa);
– 2 mestres de auxiliares de revestimentos continuos en construcción e operación auxuiliares de fábricas e cubertas (xornada completa);
– 1 mestre de xestión empresarial (media xornada);
– 1 titor mestre de educación básica (media xornada);
– 1 auxiliar administrativo (xornada completa).
Tamén se especifican os prazos de reclamacións e a data e a hora da entrevista para a selección de cada posto.
Descarga neste enlace Directivos obradoiro Santa Comba
Campamento urbán de inglés
Desde este mércores 15 de xullo podes anotarte no “Campamento urbán de inglés” que organiza o Centro de Información a Muller do concello de Santa Comba, chamando ó 981104309 ou nas dependencias do CIM.
O campamento terá lugar entre o 3 e o 14 de agosto en horario de 10:00 a 14:00 h. Prazas limitadas. No caso de haber máis solicitudes das prazas ofertadas realizarase un sorteo das mesmas.
Clausura escolas culturais
O alcalde de Santa Comba, José Antonio Ucha Velo participou no acto de clausura das escolas culturais do curso 2014-15, que se desenvolveu no auditorio do multiusos e consistiu nunha representación teatral e na entrega de diplomas das actividades que se desenvolveron ao longo do curso.
En primeiro lugar, o grupo infantil da escola de teatro municipal interpretou a obra “Unha cita incómoda” e posteriormente os profesores das distintas actividades acompañaron ao alcalde na entrega dos diplomas.
As actividades foron as seguintes: Teatro, mecanografía, animación a lectura, técnicas de estudo e expresión escrita, español para estranxeiros e cultura xeral, inglés, matemáticas, informática, debuxo e pintura, baile rexional, pandeireta e gaita e acordeón.
![DSC_0018 [800x600]](https://www.santacomba.es/wp-content/uploads/2015/06/DSC_0018-800x600.jpg)