Bando: Conducción de Cans Pola Vía Pública
XUNTANZA SOBRE A CONCENTRACIÓN PARCELARIA EN FREIXEIRO
A Correcta Separación da Orgánica Está Nas Túas Mans!
As visitas porta por porta axudan ás familias na xestión dos residuos orgánicos nos fogares do Concello de Santa Comba
Dende o Concello de Santa Comba estase a levar a cabo a implementación do programa de recollida separada de residuos orgánicos. Co fin de chegar ao maior número de familias posible, unha empresa autorizada fará visitas porta a porta polos domicilios ao longo de toda a semana
O obxectivo desta iniciativa é mellorar a xestión dos residuos na contorna urbana e incrementar as taxas de reciclaxe dos residuos orgánicos nos fogares.
Veciños e veciñas participarán na correcta separación dos residuos orgánicos mediante un sistema de chave. Persoas promotoras estarán animando aos residentes a conseguir o seu caldeiro, bolsas compostables e chaves de balde. Tamén intentarán concienciar sobre a importancia dunha boa separación dos residuos no fogar.
Para anotarse no programa ou solicitar máis información sobre o sistema de recollida, póñase en contacto a través de:
biorresiduos@concellosostible.gal
📞 699 526 341
Día Mundial do Medio Ambiente
Santa Comba reforza o seu compromiso co medioambiente a través de novas
iniciativas de reciclaxe e biodiversidade.
Santa Comba, 5 de xuño de 2024
En conmemoración do Día do Medioambiente, o Concello de Santa Comba anuncia
con orgullo a continuidade das súas exitosas iniciativas en xestión de residuos
orgánicos e a implementación dun novo proxecto para fomentar a biodiversidade.
Estas accións forman parte dunha estratexia integral para combater o cambio climático
e promover prácticas sostibles tanto en áreas rurais como urbanas.
O Concello de Santa Comba xa implementou con éxito dúas importantes iniciativas
para a xestión de residuos orgánicos, e agora anima a todos os residentes a participar
activamente: Compostaxe doméstica en zonas rurais: Xa está en marcha a distribución
gratuíta de materiais necesarios para a compostaxe doméstica. Esta medida
permite aos residentes rurais converter os seus refugallos orgánicos en abono,
fomentando prácticas agrícolas sostibles e reducindo a cantidade de residuos
enviados a vertedoiros. As persoas interesadas en unirse a este programa
poden inscribirse a través da web https://santacomba.rsu.gal/ ou chamando ao
teléfono 647 521 464. Colector marrón en áreas urbanas: Nas zonas urbanas, o novo colector marrón
específico para residuos orgánicos xa está dispoñible. Este colector facilita a
reciclaxe axeitada dos refugallos alimentarios e outros residuos
biodegradables, contribuíndo a unha xestión máis eficiente e ecolóxica dos
residuos no contorno urbano.
Nun esforzo continuo por mellorar o medioambiente local, o Concello de Santa Comba
anuncia a construción dunha charca para anfibios no Parque do Pazo de Santiso. Esta
obra, financiada cun investimento de 20.000 euros a través do Plan de Impulso ao
Medio Ambiente (PIMA) do Ministerio para a Transición Ecolóxica e o Reto
Demográfico (MITECO), inclúe: Charca para anfibios: Este novo hábitat proporcionará un refuxio seguro para
diversas especies de anfibios, axudando a reverter a perda de biodiversidade
causada polo cambio climático. Zona de sombra con pérgola e bancos: Habilitarase unha área de descanso
con sombra para que os veciños poidan gozar do contorno natural e observar a
vida silvestre. Hotel de insectos: En colaboración con centros educativos, realizaranse
actividades para construír un hotel de insectos, que se instalará no parque.
Esta estrutura servirá como refuxio para insectos polinizadores e outros
artrópodos beneficiosos, fomentando a biodiversidade local.
Para apoiar estas iniciativas, o Concello de Santa Comba lanzará unha campaña de
concienciación sobre a loita contra o cambio climático e a importancia da
biodiversidade. Levaranse a cabo actividades educativas cos centros escolares,
involucrando aos mozos na construción do hotel de insectos e promovendo un maior
entendemento e aprecio polo medioambiente.
Estas accións non só buscan mitigar os efectos do cambio climático e preservar a
biodiversidade, senón tamén crear espazos onde os residentes de Santa Comba
poidan conectarse coa natureza e gozar dun contorno máis sostible e saudable.
O Concello de Santa Comba segue comprometido coa protección do medioambiente e
a mellora da calidade de vida dos seus cidadáns a través de iniciativas innovadoras e
sostibles.
COMPOSTAXE DOMÉSTICA,CLAVE PARA A REDUCIÓN DO LIXO EN SANTA COMBA.
O CONCELLO DE SANTA COMBA PROPORCIONARÁ, DE BALDE, COMPOSTEIROS E
ASESORAMENTO PARA QUE, A VECIÑANZA QUE DISPÓN DUN PEQUENO TERREO,
POIDA AUTOXESTIONAR OS RESIDUOS ORGÁNICOS QUE SE PRODUCEN NO
FOGAR.
En Santa Comba, a 28 de decembro de 2023.
Os residuos orgánicos representan, aproximadamente, a metade dos residuos
xerados nos fogares. A súa xestión supón un importante impacto, tanto a nivel
medio ambiental como económico.
É por este motivo polo que, dende o Concello, anímase a toda aquela veciñanza que
dispoña dun pequeno terreo, a autoxestionar os residuos orgánicos mediante a
compostaxe doméstica. Grazas a ela, no só se reduce a pegada de carbono, senón
que tamén se pon en valor un residuo, obtendo como resultado de forma sinxela un
excelente abono.
Para beneficiarse da iniciativa simplemente hai que anotarse no concello (de forma
presencial ou a través da web no enlace https://santacomba.rsu.gal/ ). Unha vez
completado o rexistro, organizarase unha xornada formativa na que se fará a
entrega de todo o material necesario. A iniciativa tamén incluirá un seguimento ao
longo do ano 2024.
Esta iniciativa conta coa financiación da Consellería de Medio Ambiente e
Ordenación do Territorio e do Plan de recuperación, transformación e resiliencia do
Goberno de España, financiado pola Unión Europea-NextGenerationEU.
BANDO – LIMPEZA DE FINCAS
