ANUNCIO DE SUBVENCIÓNS 2026 DO CONCELLO DE SANTA COMBA

por Santa Comba Multimedia | Oct 14, 2025 | Actualidade, Casa do Concello

Abrimos o prazo para a presentación de proxectos e orzamentos co obxecto de planificar o presuposto municipal para o ano 2026, a programación de actividades anuais, e coñecer iniciativas de interese municipal. O prazo de presentación do orzamento e programa de actividades ao Concello de Santa Comba remata ás 23:59 horas do 31 de decembro de 2025. Isto é para poder telos en conta na elaboración dos orzamentos do Concello para o vindeiro ano 2026.

🔍 DESTINATARIOS e REQUISITOS:
Os destinatarios son entidades legalmente constituídas sen ánimo de lucro, con domicilio social en Santa Comba e que desenvolvan as súas actividades neste ámbito territorial. É imprescindible que se atopen inscritas no Rexistro Municipal de Asociacións (con resolución en firme, non só a solicitude). Ademais, deben estar legalmente constituídas con rexistro da Xunta de Galicia (tamén con resolución en firme). As entidades que non conten co rexistro da Xunta de Galicia no momento da solicitude non poderán solicitar as axudas.

💡 ACTIVIDADES SUBVENCIONABLES:
As axudas están destinadas ao fomento e mellora dos intereses xerais ou sectoriais dos cidadáns nos seguintes ámbitos: Acción Social, Educación, Promoción Cultural, Festexos e tradicións populares, Deportes e Promoción Económica.

🖥 PROCEDEMENTO DE COMUNICACIÓN:
A tramitación é totalmente dixital. Débese utilizar o modelo específico dixital que se pode obter na sede electrónica municipal. Non se admitirá ningún documento en papel. Calquera notificación oficial será tamén unicamente dixital.

Pódense consultar as ligazóns de tramitación na nosa web:

https://sede.santacomba.es/sxc/es/procedimientosytramites/tramites/Solicitudsubvenciones_N

Para calquera dúbida ou información complementaria, poden acudir aos servizos administrativos e informáticos municipais, que en ningún caso realizarán xestións en papel, nin manipulación de certificados/sinaturas dixitais das entidades.

Non perdas esta oportunidade de colaborar na planificación do futuro do noso Concello!