PROGRAMA SEI-SENDA ENTRE IGUAIS

por Administrador | Oct 10, 2024 | Actualidade, CIM, Servizos Sociais

“Programa de Acompañamento Social e Mediación Intercultural e de Pares para Mulleres en situación de prostitución e/ou explotación sexual”.

Subvencionado pola Consellería de Política Social e Igualdade, cofinanciado pola Unión Europea.

OBXECTIVO XERAL:

Contribuír á mellora da situación persoal, social e laboral das mulleres en situación de prostitución e/ou explotación sexual, a través dun proceso de mediación social e de pares, e de acompañamento personalizado e culturalmente adaptado.

OBXECTIVOS ESPECÍFICOS:

• Dotar de información ás mulleres de orixe estranxeiro, en situacións de prostitución, sobre dereitos esenciais e os distintos recursos existentes dentro do contexto da sociedade de acollida.

• Mellorar o acceso aos servizos e recursos, así coma facilitar a tramitación e xestión dos documentos xurídico-legais, administrativos, sociosanitarios, etc. a través de medidas de acompañamento presencial e telemático, que faciliten o acceso aos distintos recursos da súa contorna.

• Apoiar aos profesionais da intervención social e axentes público-privados que interactúan coas persoas inmigrantes a través da participación nos itinerarios personalizados de inserción laboral.

• Contribuir á inserción sociolaboral, mellorando o nivel de cualificación das persoas participantes a través de formacións de apoio para a adquisición de carnés.

• Favorecer o proceso de aceptación da realidade que están vivindo dende a perspectivade xénero a través de espazos de encontro grupais.

4.3 INDICADORES E RESULTADOS ESPERADOS:

• Nº de mulleres informadas e visitadas por o servizo de mediación intercultural: 29.

• Nº de acompañamentos e/ou de acceso a a recursos realizados pola Mediadora de Par: 60.

• Nº de Institucións e Axentes externos cos que se traballou en rede: 26 profesionais externos e diversificados (policial, sanitario, municipal, ONG).

• Nº de Mulleres que aumentaron o nivel de autonomía persoal a través da obtención de competencias sociopersonais en materia de obtención de carnés:

• 10 mulleres a través da obtención do Carné de Manipulador de Alimentos.

• Becada 1 muller no proceso “Aprendendo a Dirixir a túa Vida”.

• Nº de sesións colectivas nas accións grupais de apoio realizadas: 4.

• Nº medio de mulleres beneficiarias das accións grupais: 9.