Santa Comba está irmandada co concello de Río de xaneiro (O Brasil). Esta importante urbe de América

Latina, unha das máis famosas do mundo, foi destino de moitos xalleiros que foron buscando riqueza

na emigración. Na actualidade, segundo datos oficiais, están censados no Brasil máis de 1.272 veciños

de Santa Comba, dos cales, a maioría, residen en Río de xaneiro. Pero a colonia de xalleiros nesta cidade

calcúlase que pode estar ó redor das 4.000 persoas, incluíndo os descendentes nados na propia cidade.

Eses 1.272 xalleiros que figuran no censo converten a Santa Comba no Concello da provincia da

Coruña que máis veciños ten no Brasil, por riba de concellos e importantes urbes como A Coruña,

Santiago ou Ferrol. Santa Comba limita, entre outros, con Mazaricos, co que fai bisbarra; Negreira, A

Baña, Val do Dubra e Zas, que entre todos achegan 2.389 residentes oficiais no Brasil, unha colonia que

pode chegar ós 8.000 veciños. O negocio principal desenvólvese no sector da hostalaría e moi especialmente

no hoteleiro, sobre todo, nas zonas máis famosas e importantes da cidade, coñecidas en

todo o mundo, como Copacabana, Tijuca, Ipanema, Niterói ou Leblón.

Santa Comba é un punto neurálxico da movida nocturna no noroeste da provincia da Coruña. Preto de

50 locais de ocio nocturno e tres discotecas concentran a unha media de 5.000 persoas nas noites do

sábado. A rúa Galicia e outras do contorno deseñan unha ruta de ocio nocturno á que é difícil resistirse.

Pero a historia da diversión nocturna en Santa Comba ten máis de 50 anos, cando a actual Disco Xallas

se denominaba Pista Jallas. Chegou a haber movida nocturna os sábados, domingos e luns de feira con

tres salas de festas, a citada Pista Jallas, a Jema 2000 ou a Sala Sumara, que foron testemuñas das actuacións,

entre outros, de Pedrito Fernández, Juan Pardo, Lola Flores, Manolo Escobar, ou os pallasos da tele,

nun momento de máxima popularidade co mítico Fofó. A actual movida despegou nos anos 80 en locais míticos

como o Sótano ou O Teixón, e máis recentemente o que foi o primeiro pub, tal como están concibidos

na actualidade, O Discovery, seguido de locais como A Pedra ou o Catre, xa desaparecido.

Rica e variopinta gastronomía derivada dos diferentes produtos de labranza do interior unida ós produtos

do mar procedentes das localidades costeiras próximas. Verduras e hortalizas compleméntanse

coas sempre presentes especialidades da zona, carnes de vacún, caprino ou porco, caldo galego, churrasco,

caldeiradas, cocido e os pratos de tempada derivados da caza e pesca fresca do día, tanto de

río coma de mar, especialmente os mariscos e pescado azul. Nos días de feira é tradición que os locais

de hostalaría sirvan como tapas ou pratos do día callos e/ou polbo.

da vila, ás que lles dá nome, pois son coñecidas por todos como o Campo da feira. Reúnense o sábado

anterior ó primeiro domingo de cada mes e o luns seguinte ó segundo e terceiro domingo de cada

mes preto de 300 postos de feirantes que comercian con todo tipo de produtos, desde alimenticios

ata maquinaria agrícola, pasando por téxtiles, plantas, música, mobles, zapatos, etc. (Falamos máis

amplamente deste tema nun capítulo específico).