Baixo o lema, “Garantir a reciclaxe é un xesto de responsabilidade”, Sogama lanza en redes sociais a súa particular Semana da Reciclaxee 2021 co fin de clarificar os residuos que deben e non deben ser depositados en cada un dos contedores de recollida selectiva.Ata o próximo 17 de maio, Día Internacional da Reciclaxe, dedicará cada xornada a un recipiente específico, detallando as súas funcionalidades.Así mesmo, proporcionaranse unha serie de consellos e recomendacións para que os cidadáns propicien o reciclado da meirande parte dos refugallos producidos nos fogares e/ou centros de traballo e estudo.