O concello de Santa Comba encontráse nestas datas executando actuacións orientadas a mellorar a rede municipal de camiños rurais.Este proxecto conta cun marco orzamentario de 81.348 euros, dos cales 65.645 euros proceden de fondos europeos Feader canalizados desde a Xunta de Galicia, e a cantidade restante é achegada polo propio concello.

A mellora das vías de comunicación interparroquiais está sendo unha das principais preocupacións do actual equipo de goberno, xa que tal e como destaca o alcalde Antonio Landeira “Santa Comba ten moitos camiños e vías rurais que hai que conservar e para nós, é prioritario que os nosos lugares estean ben comunicados”.