981880075
Seleccionar página
MUUUITOSELFIE, UN CONCURSO FOTOGRÁFICO DISTINTO EN SANTA COMBA.

MUUUITOSELFIE, UN CONCURSO FOTOGRÁFICO DISTINTO EN SANTA COMBA.

por | Feb 15, 2018 | Obradoiro

O CONCELLO DE SANTA COMBA PROMOVE UN ORIXINAL CONCURSO FOTOGRÁFICO NO MARCO DA SEMANA DO LEITE QUE TERÁ LUGAR ENTRE O 26 DE FEBREIRO E O 4 DE MARZO.

Un concurso de “selfies” MUUUITOSELFIE” nos que aparezan da maneira máis orixinal posible as vacas xalleiras, será un dos medios para darlle visibilidade ó sector gandeiro da comarca dentro da 1ª Semana do Leite do Concello de Santa Comba, que culminará o domingo 4 de marzo coa Poxa de xovencas de raza frisona.

Esta iniciativa, froito da colaboración entre o Obradoiro de emprego “Proturismo” e a Oficina de información Xuvenil municipal, pretende difundir nas redes sociais dun modo ameno un concurso fotográfico que teña como fondo a importancia do sector gandeiro na terra do Xallas. A participación é libre e aberta e pódese participar tanto no facebook ( Santa Comba Info+) como no Instagram (@Turismoterrasdoxallas) compartindo o teu autorretrato “vacún” co hashtag #muuuitoselfie.

Os premios serán en vales de compra en establecementos concertados de Santa Comba.

(2018 – 03 – 03) Bases Concurso Muuu Selfie

A RUTA ENTRE AS FONTES DO XALLAS E A FERVENZA DE CASTRIZ PORÁ O BROCHE DE OURO Ó PRIMEIRO CICLO DE ANDAINAS “COÑECE O TEU CONCELLO”

A RUTA ENTRE AS FONTES DO XALLAS E A FERVENZA DE CASTRIZ PORÁ O BROCHE DE OURO Ó PRIMEIRO CICLO DE ANDAINAS “COÑECE O TEU CONCELLO”

por | Feb 14, 2018 | OMIX - Oficina Xuvenil

A ruta, que tivo que ser suspentida polo mal tempo o pasado día 4, recupérase este domingo 18.

         O Concello de Santa Comba e a Asociación ” Os Trotasendas” xa teñen data para rematar da mellor maneira o exitoso ciclo de Andainas ” Coñece o teu Concello” que abriu nestes últimos meses unha fiestra de aire novo ao sendeirismo e valorización do medio natural na Terra do Xallas.
Esta última cita ( de momento, xa que xa se está planificando un novo ciclo para a primaveira) unirá a parroquia de Bazar, onde nas faldas do Monte Castelo empezan a fluir as primeiras augas do río Xallas, coa Fervenza de Castriz, espazo natural de gran beleza, conformada pola fervenza do río Mira, principal afluente do Xallas no seu Curso Alto, e a área recreativa habilitada no entorno de 5 muiños de río.
            A ruta nesta ocasión será lineal, de 13,5 km, e a organización facilitará transporte cun bus para que os participantes poidan deixar os seus vehículos no final da etapa, e se acheguen ata Bazar.