A Casa da Cultura do Concello de Santa Comba acolle a exposición itinerante “ Galicia Biodiversidade ”.

Poderá visitarse os días 15, 16 e 17 de abril.

Con esta exposición didáctica, a Consellería de Medio Ambiente e Desenvolvemento Sostible da Xunta de Galicia, xunto co concello de Santa Comba, pretenden dar a coñecer a diversidade de ecosistemas, de especies e de variedades xenéticas que se conservan en Galicia. Que se estimule a toma de conciencia sobre a importancia da conservación da biodiversidade máis próxima que atesouramos en Galicia e, ó mesmo tempo, a mundial. Ademais quérense desenvolver comportamentos positivos cara á conservación das especies e dos seus hábits e fomentar actitudes responsables que favorezan a conservación da natureza.