por Santa Comba Multimedia | Mar 29, 2015 | Destacamos, Novas, Servizos Sociais, Última hora
Santa Comba acolleu a Festa dos Maiores coa participación duns 1300 veciños. O evento contou coa participación dos alcaldes de A Baña, Negreira e os tenientes de alcaldes de Val do Dubra e Mazaricos, así como representantes de tódolos grupos da corporación xalleira.
Despois da misa , e dunha actuación musical, interviu a alcaldesa de Santa Comba, María Pose que agradeceu a presencia de tantas persoas, e reivindicou este evento “coma unha homenaxe aos nosos maiores, que son moi importantes para Santa Comba”. Pose Rodríguez tamén asegurou que “o goberno local está traballando a tope para que Santa Comba sexa cada día un mellor lugar para vivir”
por Santa Comba Multimedia | Mar 16, 2015 | Destacamos, Información, Novas, Portada Destacado, Última hora, Últimas
A Asociación Terras de Compostela lanza a guía en inglés CORRENTE ABAIXO, UN PERCORRIDO DE ENSOÑO, centrada nos tres ríos:
- Ulla: Camiño de beleza e ensoño.
- Tambre: Lento e repousado entre arboredas.
- Xallas: Lugar das fervenzas.
OBXECTIVOS DA GUÍA
- Poñer en valor o inmenso Patrimonio cultural e natural que hai na contorna dos Ríos.
- Dar a coñecer zonas e áreas fluviais pouco coñecidas polo público xeral.
- Contribuír á conservación de espazos e ecosistemas que se caracterizan pola súa fraxilidade.
- Dar a coñecer unha alternativa turística que combine cultura, natureza e actividades de ocio.
- Recopilación de lendas e recetas gastronómicas vinculadas cos ríos.
Corrente_abaixo
por Santa Comba Multimedia | Mar 10, 2015 | Destacamos, Información, Portada Destacado, Última hora
O CEIP Barrié de la Maza de Santa Comba acolleu unha xornada con motivo do día internacional da muller traballadora e que tivo como protagonistas a seis mulleres xalleiras relacionadas co mundo da imaxe.
Catrocentos nenos e nenas deste centro educativo participaron nas tres sesión que se organizaron. A primeira intervención foi a da actriz Isabel Blanco e da fotógrafa Teresa Castro (Fotos Teca). Blanco falou dos seus comezos no mundo da televisión e do cine e Castro sobre a súa tarefa de fotógrafa. Aproveitou o acto para ensinarlle ós alumnos unha mostra de distintas cámaras de diferentes épocas.
A seguinte quenda tivo como protagonistas a xornalista Isabel Durán, que falou sobre a incorporación da muller ó mundo do xornalismo e sobre o mundo da televisión, e a Esther Pereira, que rexenta a perruquería “Garota” e reflexionou sobre a imaxe, e estética e incluso ofreceu unha clase práctica de maquillaxe.
Por último, houbo unha terceira sesión na que interviron Isabel Silvariño(Fotos Silvariño) que falou sobre a fotografía e as novas posibilidades do mundo dixital e Florinda Brenlla, que está a fronte dun obradoiro de corte e confección, e que comentou distintos aspectos da súa profesión. O CEIP aproveitando que teñen un proxecto educativo para a súa biblioteca relacionado co cine organizou estas charlas.
por Santa Comba Multimedia | Feb 18, 2015 | Cultura, Destacamos, Novas, OMIC - Oficina de Consumo, Última hora, Últimas
A alcaldesa María Pose Rodríguez destaca a traxectoria chea de méritos de tódolos premiados e convida aos veciños a asistir a Gala.
Este venres 20 de febreiro desde as 9 da noite o auditorio do edificio multiusos acolle unha nova edición da gala “Xalleiros” que organiza o concello de Santa Comba. O evento será presentado polo artista Fran Allo. Tamén se contará coa participación do popular humorista Isi.
Este ano a relación de premiados está composta por Martín Amarelle García que recibirá un recoñecemento polos “valores humanos na emigración”, Perfecto Pereira por “toda unha vida” adicado a música, e as relixiosas de Bazar pola súa importante “labor social”. No apartado de “Deporte” os premiados serán os tres membros da familia Ramos Rey, e no do apartado de “Cultura” haberá un recoñemento a título póstumo ó músico Francisco Rodríguez “Paco do Garrote”.
A alcaldesa de Santa Comba, María Pose, destacou a traxectoria chea de méritos dos distintos galardonados que “son espellos onde se poden mirar as novas xeracións” e convida a tódolos veciños e veciñas a asistir a esta nova edición da gala “Xalleiros”.
por Santa Comba Multimedia | Feb 14, 2015 | Biblioteca, Destacamos, Novas, Últimas
O grupo de lectura fácil da Biblioteca Pública Municipal do concello de Santa Comba participou nunha visita a Casa Museo de Emilia Pardo Bazán a Coruña, como actividade complementaria as xornadas de lectura que veñen desenvolvendo relacionadas con obras da autora coruñesa.
Nesta visita puideron coñecer a vivenda, o gabinete de traballo e afondar en moitos aspectos da vida e da obra de Pardo Bazán.
por Santa Comba Multimedia | Dic 28, 2014 | Cultura, Destacamos, Novas, Portada Destacado, Última hora, Últimas
O vindeiro venres 2 de xaneiro, desde as 20:30h o salón de actos da vivenda comunitaria de Santa Comba acolle a representación da comedia teatral “Feliciano” a cargo da compañía “Os Sete magníficos máis un”.
A obra, dirixida por Iván Prado, ten como protagonistas aos recoñecidos humoristas Fran Rei e Pedro Brandariz. A actividade desenvólvese mediante o programa de “Dinamización Lingüística nas Festas de Nadal” da Xunta de Galicia, en colaboración co Servizo de Normalización Lingüística do concello de Santa Comba.
