por Santa Comba Multimedia | Mar 31, 2015 | CIM, Destacamos, Última hora
O concello de Santa Comba organizou o pasado sábado 28 de marzo unha excursión a Casa da Auga (A Coruña) en colaboración coa Asociación de Mulleres Rurais do Xallas.
Na excursión participaron preto de corenta mulleres que disfrutaron desta xornada, enmarcada dentro das actividades do “Día da Muller Traballadora”. A viaxe non se poido celebrar antes porque as instalacións da “Casa da Auga” estiveron pechadas por mantemento.
As mulleres foron despedidas pola alcaldesa de Santa Comba, María Pose, nunha xornada na que tiña lugar na capital do Xallas a Festa dos Maiores.
por Santa Comba Multimedia | Mar 29, 2015 | Cultura, Destacamos, Última hora, Últimas
O auditorio do multiusos encheuse para a celebración do “Festival de Primavera” protagonizado polos aproximadamente oitenta alumnos que forman a Escola de música moderna do concello de Santa Comba. O festival foi presentado por un dos profesores, Xoán Leis.
Ao evento asistiu a alcaldesa María Pose e a concelleira de Asuntos Sociais, Flora Calo. María Pose Rodríguez destacou o éxito dunha escola de música que se botou a andar durante esta lexislatura.
por Santa Comba Multimedia | Mar 29, 2015 | Destacamos, Novas, Servizos Sociais, Última hora
Santa Comba acolleu a Festa dos Maiores coa participación duns 1300 veciños. O evento contou coa participación dos alcaldes de A Baña, Negreira e os tenientes de alcaldes de Val do Dubra e Mazaricos, así como representantes de tódolos grupos da corporación xalleira.
Despois da misa , e dunha actuación musical, interviu a alcaldesa de Santa Comba, María Pose que agradeceu a presencia de tantas persoas, e reivindicou este evento “coma unha homenaxe aos nosos maiores, que son moi importantes para Santa Comba”. Pose Rodríguez tamén asegurou que “o goberno local está traballando a tope para que Santa Comba sexa cada día un mellor lugar para vivir”
por Santa Comba Multimedia | Mar 16, 2015 | Destacamos, Información, Novas, Portada Destacado, Última hora, Últimas
A Asociación Terras de Compostela lanza a guía en inglés CORRENTE ABAIXO, UN PERCORRIDO DE ENSOÑO, centrada nos tres ríos:
- Ulla: Camiño de beleza e ensoño.
- Tambre: Lento e repousado entre arboredas.
- Xallas: Lugar das fervenzas.
OBXECTIVOS DA GUÍA
- Poñer en valor o inmenso Patrimonio cultural e natural que hai na contorna dos Ríos.
- Dar a coñecer zonas e áreas fluviais pouco coñecidas polo público xeral.
- Contribuír á conservación de espazos e ecosistemas que se caracterizan pola súa fraxilidade.
- Dar a coñecer unha alternativa turística que combine cultura, natureza e actividades de ocio.
- Recopilación de lendas e recetas gastronómicas vinculadas cos ríos.
Corrente_abaixo
por Santa Comba Multimedia | Mar 10, 2015 | Destacamos, Información, Portada Destacado, Última hora
O CEIP Barrié de la Maza de Santa Comba acolleu unha xornada con motivo do día internacional da muller traballadora e que tivo como protagonistas a seis mulleres xalleiras relacionadas co mundo da imaxe.
Catrocentos nenos e nenas deste centro educativo participaron nas tres sesión que se organizaron. A primeira intervención foi a da actriz Isabel Blanco e da fotógrafa Teresa Castro (Fotos Teca). Blanco falou dos seus comezos no mundo da televisión e do cine e Castro sobre a súa tarefa de fotógrafa. Aproveitou o acto para ensinarlle ós alumnos unha mostra de distintas cámaras de diferentes épocas.
A seguinte quenda tivo como protagonistas a xornalista Isabel Durán, que falou sobre a incorporación da muller ó mundo do xornalismo e sobre o mundo da televisión, e a Esther Pereira, que rexenta a perruquería “Garota” e reflexionou sobre a imaxe, e estética e incluso ofreceu unha clase práctica de maquillaxe.
Por último, houbo unha terceira sesión na que interviron Isabel Silvariño(Fotos Silvariño) que falou sobre a fotografía e as novas posibilidades do mundo dixital e Florinda Brenlla, que está a fronte dun obradoiro de corte e confección, e que comentou distintos aspectos da súa profesión. O CEIP aproveitando que teñen un proxecto educativo para a súa biblioteca relacionado co cine organizou estas charlas.
por Santa Comba Multimedia | Mar 4, 2015 | Información, Portada Destacado, Última hora
Este vindeiro sábado Santa Comba acolle a XVII edición da Poxa de Xovencas de raza frisona, unha cita tradicional organizada por Africor Coruña co apoio do concello de Santa Comba.
A xornada comenzará as 12,00 cunha visita da conselleira do medio rural, Rosa Quintana que ademáis inaugurará este día de actividades e dará paso a unha charla da directora xeral de producción agropecuaria, Patricia Ulloa, que se desenvolverá no auditorio do edificio multiusos.
E a partires das 15,30h no recinto feiral, iniciarase a poxa de xovencas de raza frisona. Tratase dunha compravenda subvencionada polo concello de Santa Comba que aporta 150 euros que se descontarán de cada transacción. Ademais xenética Fontao aporta seis dose de seme de recoñecidos touros (Melendi e Torrel).Ao remata da poxa sortearase unha tenreira
