Bases Obradoiro de Emprego
Bases para a selección do alumnado traballador/a e persoal do Obradoiro de Emprego “Terra de Xallas”.
Consultar ou descargar aquí:
Consultar bases neste documento adxunto chamado “Bases Obradoiro”
Verán Lúdico 2015
O concello de Santa Comba mantén aberto ata o vindeiro 22 de xuño o prazo de inscrición no Verán Lúdico que se desenvolverá entre o 1 de xullo e o 4 de setembro en horario de 8:30 a 14:30.
O Verán Lúdico está dirixido ós nenos e nenas de infantil e primaria de nais e pais traballadores do concello de Santa Comba.
Para anotarse o obter máis información: CIM Santa Comba, Oficinas de Servizos Sociais, Vivenda Comunitaria(baixo). Teléfono 981104309
Ciclo de monólogos cómicos en Santa Comba
O concello de Santa Comba pon en marcha este vindeiro venres 12 de xuño o I ciclo de monólogos cómicos “RIXALLAS”, organizado polo departamento de cultura municipal.
Durante catro venres consecutivos Santa Comba contará con persoeiros de primeiro nivel como é o caso de Isabel Risco, Luís Pousada, Avelino González e Serxio Pazos. As funcións desenvolveránse no baixo da vivenda comunitaria a partir das dez da noite.
Este vindeiro venres actuará Isabel Risco, actriz coñecida polos seus papeis en series televisivas como Padre Casares, Era Visto! Ou Nordés, ou pola súa participación en varios programas da TVG como é o caso de Land Róber e o Show dos Tonechos. Tamén traballou en varias películas.
“Estamos no verán” en Santa Comba
O espectáculo musical “Estamos no verán” chega este vindeiro domingo o concello de Santa Comba, dentro do programa de dinamización lingüística FalaRedes da Xunta de Galicia, coa colaboración do Servizo de Normalización Lingüística do concello de Santa Comba.
“Estamos de Verán” é un espectáculo protagonizado polo artista Xoán Curiel e pola súa banda Son+d2, configurado a partir da primeira novela-cd da literatura galega, que conta a historia dun grupo de amigos que queren formar un grupo de música.
Xunto coa música, mesturase a danza, e os elementos teatrais ou de clown, sendo un espectáculo totalmente participativo dirixido a nen@s de 6 a 12 anos pero onde pode ter cabida o público familiar.
“Estamos no verán”. Este vindeiro domingo as 18:30h no Multiusos de Santa Comba
Recepción Xallas infantil
O Xallas de Santa Comba infantil foi obxecto dunha recepción por parte da alcaldesa de Santa Comba, María Pose, e do concelleiro de deportes José Pose Pazos, nun acto no que tamén participou o coordinador das escolas de fútbol, Manolo González Corredoira e o presidente do XSC, José Manuel Pérez Gorgal.
González Corredoira destacou o apoio do concello xalleiro e do clube para facer posible estes éxitos “porque están sempre detrás”. Os infantís quedaron campións da Liga e da Copa da Costa, e agora xogarán a fase de ascenso a liga galega.
José Manuel Pérez Gorgal destacou o “esforzo e sacrificio” dos deportistas, dos pais e dos adestradores. A alcaldesa María Pose felicitou os xogadores, as familias e os adestradores Couto e Rupper e lembrou que “desde o concello vimos apoiando ao deporte” e aportando o seu grao de area.
Cursos de Formación
O concello de Santa Comba organiza varios cursos de formación. O prazo estará aberto durante todo este mes de maio. Tan pronto haxa un grupo mínimo de xente interesada establecerase a data de inicio das citadas modalidades formativas.
A oferta está composta polos seguintes cursos:
Condutor/a carretilla elevadora- Semipresencial. Duración: 20 horas.
Manexo de plataforma elevadora- Presencial- Duración:10 horas.
Sector construción. Prevención de riscos laborais. Semipresencial.Duración:60 horas.
Sector construción. Movemento de terras. Presencial. 20 horas.
Ademais desde a Oficina de Formación xalleira tamén se está coordinando un curso sobre etiquetado de alimentos na hostalaría.
Para inscribirse ou obter máis información sobre os distintos cursos os interesad@s poden dirixirse a Oficina de Formación e Emprego do concello de Santa Comba. Edificio Multiusos ou ben chamando ao 663728782 ou 981818710.