por Santa Comba Multimedia | Jun 3, 2015 | Cultura, Destacamos, Novas, Portada Destacado
O espectáculo musical “Estamos no verán” chega este vindeiro domingo o concello de Santa Comba, dentro do programa de dinamización lingüística FalaRedes da Xunta de Galicia, coa colaboración do Servizo de Normalización Lingüística do concello de Santa Comba.
“Estamos de Verán” é un espectáculo protagonizado polo artista Xoán Curiel e pola súa banda Son+d2, configurado a partir da primeira novela-cd da literatura galega, que conta a historia dun grupo de amigos que queren formar un grupo de música.
Xunto coa música, mesturase a danza, e os elementos teatrais ou de clown, sendo un espectáculo totalmente participativo dirixido a nen@s de 6 a 12 anos pero onde pode ter cabida o público familiar.
“Estamos no verán”. Este vindeiro domingo as 18:30h no Multiusos de Santa Comba
por Santa Comba Multimedia | May 4, 2015 | Deporte, Novas, Portada Destacado, Últimas
O vindeiro domingo dez de maio, o pavillón polideportivo de Fontenla acolle o III Torneo de Baloncesto, organizado polo departamento de Deportes do concello de Santa Comba, co patrocinio de Supermercados Familia.
A partir das 15:00h, uns douscentos deportistas en idade benxamín e alevín de A Laracha, Carballo, Camariñas e Santa Comba, participarán neste torneo. O concello de Santa Comba agasallará a tódolos nenos e nenas cunha merenda e unha medalla conmemorativa.
por Santa Comba Multimedia | Mar 29, 2015 | Cultura, Destacamos, Última hora, Últimas
O auditorio do multiusos encheuse para a celebración do “Festival de Primavera” protagonizado polos aproximadamente oitenta alumnos que forman a Escola de música moderna do concello de Santa Comba. O festival foi presentado por un dos profesores, Xoán Leis.
Ao evento asistiu a alcaldesa María Pose e a concelleira de Asuntos Sociais, Flora Calo. María Pose Rodríguez destacou o éxito dunha escola de música que se botou a andar durante esta lexislatura.
por Santa Comba Multimedia | Mar 29, 2015 | Destacamos, Novas, Servizos Sociais, Última hora
Santa Comba acolleu a Festa dos Maiores coa participación duns 1300 veciños. O evento contou coa participación dos alcaldes de A Baña, Negreira e os tenientes de alcaldes de Val do Dubra e Mazaricos, así como representantes de tódolos grupos da corporación xalleira.
Despois da misa , e dunha actuación musical, interviu a alcaldesa de Santa Comba, María Pose que agradeceu a presencia de tantas persoas, e reivindicou este evento “coma unha homenaxe aos nosos maiores, que son moi importantes para Santa Comba”. Pose Rodríguez tamén asegurou que “o goberno local está traballando a tope para que Santa Comba sexa cada día un mellor lugar para vivir”
por Santa Comba Multimedia | Mar 16, 2015 | Destacamos, Información, Novas, Portada Destacado, Última hora, Últimas
A Asociación Terras de Compostela lanza a guía en inglés CORRENTE ABAIXO, UN PERCORRIDO DE ENSOÑO, centrada nos tres ríos:
- Ulla: Camiño de beleza e ensoño.
- Tambre: Lento e repousado entre arboredas.
- Xallas: Lugar das fervenzas.
OBXECTIVOS DA GUÍA
- Poñer en valor o inmenso Patrimonio cultural e natural que hai na contorna dos Ríos.
- Dar a coñecer zonas e áreas fluviais pouco coñecidas polo público xeral.
- Contribuír á conservación de espazos e ecosistemas que se caracterizan pola súa fraxilidade.
- Dar a coñecer unha alternativa turística que combine cultura, natureza e actividades de ocio.
- Recopilación de lendas e recetas gastronómicas vinculadas cos ríos.
Corrente_abaixo
por Santa Comba Multimedia | Mar 11, 2015 | Novas, Servizos Sociais, Últimas
O Concello de Santa Comba prepara unha nova edición da “Festa dos Maiores” que se celebrará o vindeiro sábado 28 de marzo.
Desde a concellaría de Servizos Sociais, que dirixe Flora Calo, informan que as persoas interesadas en participar, e que sexan maiores de 65 anos ou pensionistas, poden recoller as súas invitacións neste departamento situado nos baixos da vivenda sociocomunitaria (entrada polo parque infantil).
A “Festa dos Maiores” desenvolveráse no recinto feiral xalleiro onde haberá unha misa e un xantar amenizado por unha actuación musical.
