Obras: Plan Camiña rural 2025–2026

por Administrador | Nov 19, 2025 | Actualidade, Alcaldía, Axudas e Subvencións, Obras e Servizos

Normativa: Resolución do 30 de decembro de 2024 pola que se aproban as bases reguladoras das axudas financiadas ao abeiro do plan Camiña rural para o período 2025-2026 e se convocan as correspondentes ao ano 2025, mediante tramitación anticipada de gasto (código de procedemento MR701E) (DOG núm. 19, do mércores 29 de xaneiro de 2025).

O Concello de Santa Comba ven de realizar a execución das obras comprendidas no Plan Camiña rural 2025–2026, cofinanciadas ao amparo da citada Resolución do 30 de decembro de 2024, da Axencia Galega de Desenvolvemento Rural (AGADER), para a concesión das axudas correspondentes ao Plan Camiña rural (que ten por obxecto actuacións de ampliación, mellora ou mantemento cos camiños municipais e que dean acceso, en calquera punto do seu trazado, cando menos, a dúas parcelas agrícolas), agás as partidas correspondentes co IVE, que son financiadas polo Concello de Santa Comba.

As obras comprendidas en dito Plan Camiña rural 2025 – 2026 son as comprendidas no proxecto que se indica a continuación:

1.- “PROXECTO DE MELLORA DE CAMIÑOS MUNICIPAIS DE ACCESO A PARCELAS AGRÍCOLAS NAS PARROQUIAS DE ALÓN, SAN SALVADOR DE PADREIRO, MALLÓN E A PEREIRA”, cun valor estimado de 91.750,65 euros e 19.267,64 euros de IVE (21%), que ascende a un total de 111.018,29 euros; cun prazo de execución de UN (1) mes; con data de febreiro 2025 e redactado polo arquitecto Manuel Rodríguez Mourelle, colexiado núm. 5.096 do COAG

As obras comprendidas en dito proxecto foron aprobadas por Decreto de alcaldía núm. 1025/2025, do 09 de xullo; e foron adxudicadas por Decreto de alcaldía núm. 1441/2025 do 25 de setembro, á mercantil Construcciones Ponciano Nieto SL, pola cantidade de 102.703,02 euros euros (I.V.E. engadido), cunha baixa/economía de 8.315,27 euros respecto do orzamento base de licitación.

O contrato administrativo foi formalizado e asinado electronicamente con data de 30 de setembro de 2025.

Asemade, ao abeiro do Plan Camiña rural 2025 – 2026, subvenciónase a contratación do Servizo de Control de calidade das obras.

Este servizo foi adxudicado por Decreto de alcaldía núm. 1391/2025, do 16 de setembro, á empresa “EUROTEC SL”, pola cantidade de 2.652,32 euros (I.V.E. engadido), o que supón unha baixa económica de 9,68 euros.