O alcalde de Santa Comba, Antonio Landeira viaxou a Sicilia, onde participou nunhas xornadas preparatorias dun programa europeo xunto con outros nove colectivos de Italia, España,. Bulgaria, Rumanía e Eslovenia, entre os que destacan varias asociacións xuvenís e concellos.Estas xornadas foron organizadas pola mancomunidade de concellos denominada “L´Unione dei Comuni delle Valli Joniche dei Peloritani”.

Esta visita enmárcase dentro dun proxecto no que se pretende involucrar a xóvenes do concello de Santa Comba, e que derivará nun encontro da mocidade que se celebrará o vindeiro mes de maio en Sicilia(Italia) e no que estarán presentes representantes dos cinco países participantes.

Este proxecto está respaldado pola Unión Europea e pertence o programa Juventud en Acción.O obxetivo e promover debates nos diferentes países sobre diálogo interxeracional sobre temas como a solidariedade entre xeracións, o voluntariado, a inclusión social, novas tecnoloxías, emprego ou envellecemento activo.O alcalde xalleiro, cree que se trata “dun programa moi interesante a e participativo e que pode abrir portas a nosa mocidade”.