981 880 075 Pza. Concello, 1 - 15840 Santa Comba

Convenio con Amigos de Galicia

0


Antonio Landeira e Jesús Busto.

O alcalde de Santa Comba, Antonio Landeira Gallardo e o director da Fundación Amigos de Galicia, Jesús Busto Peteiro asinaron este mediodía un convenio de colaboración, que está permitindo, desde fai uns anos, desenvolver distintas iniciativas encamiñadas a paliar as necesidades de familias sen recursos.

Esta cooperación permitirá que corenta familias de Santa Comba sigan recibindo axuda da fundación, alimentos, material escolar a outros produtos de primeira necesidade, ademais doutras actuacións puntuais, como nun caso concreto, a dotación de mobiliario a un fogar do municipio con serios problemas.

Jesús Busto lembrou tamén outras actividades de Amigos de Galicia, como é o caso do concerto solidario que se celebrou en Santa Comba e que contou coa participación de El Combo Dominicano e no que se recadaron “preto de cinco mil quilos de alimentos”.Pola súa banda, o alcalde xalleiro, Antonio Landeira dixo que “estamos moi satisfeitos coa labor que están facendo, xa que cunha aportación municipal mínima estannos dando unha cobertura moi importante no campo da asistencia social”.

Landeira Gallardo destacou o traballo de entidades como Amigos de Galicia ou Cáritas. Mediante este convenio o concello achega 4.000 euros, para levar a cabo distintas accións de axuda a familias con necesidades, baixo a supervisión do departamento de Servizos Sociais do concello.

Compartir

Publicar

Utilizamos cookies propias y de terceros para mejorar nuestros servicios y realizar estadisticas ACEPTAR