FESTIVAL DA CANCIÓN: coas promesas xalleiras

 

FESTIVAL DA CANCIÓN: coas promesas xalleiras

 

Lugar: Edificio Multiusos

Día: Venres 16 de maio de 2008

Hora: 21:00 horas 

Participarán: 

● ALBA CAAMAÑO. Finalista do programa “Tu sí que vales” de Tele 5. A pesar de contar con apenas 12 anos a rapaza promete. Tras lograr a terceira praza no Concurso da Canción de Ordes 2007 e a primeira no 2008, convenceu coa potencia da súa voz ó xurado de Telecinco “Tú sí que vales”, engaiolou ó público e chegou á final que se disputou en Barcelona. A súa ilusión é gravar discos e deicarse á música. Santa Comba ten un novo valor artístico que promete dar multitude de alegrías no futuro máis inmediato 

● FRAN ALLO. Partipante do programa “Son de Estrelas” da TVG.

 Xa desde os 3 anos pampeaba a seus pais e familiares con imitacións dos artistas que vía pola televisión. De Raphael a Frank Sinatra, todos parecíasn encaixar na voz particular de Fran. O seu primeiro recoñecemento musical chegoulle a través de Teresa Rabal e os premios “Veo Veo”, onde foi recoñecido como a mellor voz. Ese pulo foi o que precisaba para decidirse a buscar o seu camiño musical. Agora, con experiencia e unha voz educada por profesores como a cantante Güadi Galego, está disposto a abraiar a todo o mundo. 

● SONIA PAZOS. Participante do programa “Son de Estrelas” da TVG. Filla da emigración. Sonia naceu en Berna (Suíza) pero seus pais quixeron que se criase en Santa Comba. Aprendeu a tocar a trompeta e entrou nunha banda de música xunto a seus dous irmáns. Hoxe en día tocan xuntos cando teñen ocasión. Xa hai tempo que subiu ós escenarios por primeira vez e pasou 3 anos nun grupo musical. A súa voz é doce pero potente, coma a dalgunhas das súas artistas favoritas: Merche ou Pastora Soler. 

● HISTORIA MUSICAL XALLEIRA Aproveitando a recompilación de fotografías sobre a Historia de Santa Comba e as súas xentes, na que se está traballando desde o Concello, haberá un primeiro avance da mesma no apartado musical. Mediante proxeccións dixitalizadas lembraremos ós pioneiros da música local a través das agrupacións LOS DINÁMICOS, LOS PANTERS, LOS SEIKOS, ORQUESTRA SANTA COMBA, XUNTANZA, OS DE MEANOS, AMIGO Y SUS MUCHACHOS, A BANDA DE MÚSICA, LOS VENCEDORES DE MONTOUTO, e mesmo as agrupacións nas que os nosos veciños participaron na emigración como CASINO DE SEVILLA, ALEGRÍAS DE ESPAÑA, CORO DA CASA DE GALICIA DE RÍO DE XANEIRO, etc.

 

Deixa unha resposta

O teu enderezo electrónico non se publicará Os campos obrigatorios están marcados con *