A comitiva foi recibida polo alcalde Antonio Landeira Gallardo e por varios membros do executivo local. Durante esta primeira xornada, tiveron a ocasión de realizar unha visita ao centro de saúde “Angel María Carracedo” para coñecer o funcionamento dos servizos médicos no rural galego e tamén participaron nun obradoiro de música tradicional, impartido por membros da escola municipal e polo gaiteiro Pablo Seoane.

Os mozos de Romanía desenvolven un proxecto de fomento da doazón de sangue e democracia participativa. Nesta primeira xornada tamén aproveitaron para recoller mensaxes de representantes da sociedade xalleira a prol da doazón.