981880075
Seleccionar página

Congreso Fairway 2015 (1) Congreso Fairway 2015 (2) Congreso Fairway 2015 (3) Congreso Fairway 2015 (4) Congreso Fairway 2015 (5) Congreso Fairway 2015 (6) Congreso Fairway 2015 (7) Congreso Fairway 2015 (8) Congreso Fairway 2015 (9) Congreso Fairway 2015 (10) Congreso Fairway 2015 (11) Congreso Fairway 2015 (12) Congreso Fairway 2015 (13) Congreso Fairway 2015 (14) Congreso Fairway 2015 (15) Congreso Fairway 2015 (16) Congreso Fairway 2015 (17) Congreso Fairway 2015 (18) Congreso Fairway 2015 (19)

O Concello de Santa Comba presente no Congreso Fairway sobre o camiño de Santiago.

Onte inaugurábase da Cidade da Cultura de Santiago de Compostela o Congreso Fairway, primeira experiencia deste tipo sobre o Camiño de Santiago, onde entidades públicas e privadas contan con stands para a difusión das potencialidades presentes e futuras do camiño xacobeo.

O Concello de Santa Comba está presente no Stand do Camiño Fisterra- Muxía, a parte do Camiño de Santiago que se inicia no sepulcro do Apóstolo e percorre 9 concellos ata chegar ó fin do mundo.
O Concello xalleiro comparte espazo cos concellos de Ames, Negreira, Mazaricos, Dumbría, Cee, Corcubión, Fisterra e Muxía, durante este evento que poderá ser visitado na capital galega ata o vindeiro domingo.
Na inauguración do stand e da mostra estivo presente o concelleiro de servizos, urbanismo, medio ambiente e agricultura, Miguel Caamaño, que aproveitou a ocasión para poñer en común co resto de representantes municipais distintas iniciaciativas referentes á futura promoción conxunta, desta parte do Camiño, con claras e definidas potencialidades turísticas para esta zona.

Polo Concello xalleiro pasa un pequeno tramo de aproximadamente 1 km. do Camiño, pola parroquia de Fontecada, no tránsito da etapa que os camiñantes fan entre Negreira e Dumbría.