Formulario de acceso






¿Recuperar contrasinal?
¿Quere rexistrarse? Rexístrese aquí
Inicio arrow Inicio
PROGRAMA: "NOITE DE CINE 2008".
02/07/08

 

                                                            PROGRAMA: “NOITE DE CINE 2008”.

          A Concellaría de Cultura do Concello de Santa Comba en colaboración coa Deputación da Coruña, organiza unha nova edición do programa “NOITE DE CINE 2008”.

          As longametraxes que se proxectarán son:

          *  EL DIABLO SE VISTE DE PRADA. Comedia

              Día: 5 de agosto.

              Hora: ás 22 horas.

              Lugar:  Campo da Feira.

                         Con Meryl Streep.  Dúas  nominación ó Óscar 2007. Gañadora do Globo de Oro mellor actriz.  Divertida comedia ambientada no vertixinoso  mundo da moda en Nova York: unha moza desaliñada entra a traballar no pequeno exército de guapísimas xornalistas da moda do equipo da revista Runway (Vogue),  e pronto empeza a entender que para triunfar neste negocio vai necesitar algo máis que iniciativa e determinación.

         UNA NOCHE EN EL MUSEO. Comedia de aventuras.

             Día: 21 de agosto.

             Hora: ás 22 horas.

             Lugar: Campo da Feira.

                       Con Mickey Rooney e Robin Williams. Larry acepta un traballo como garda de seguridade nocturno do Museo de ciencias naturais de Nova York. Durante a noite suceden cousas extraordinarias: maias, gladiadores romanos, dinosauros… saen das súas exposicións para participar en batallas épicas.

         *  LADYKILLERS. Comedia dos Cohen.

             Día: 27 de agosto.

             Hora:ás 22 horas.

             Lugar:Campo da Feira.

                       Dos catro veces gañadores do Óscar, Joel e Ethan Cohen. Con Tom Hanks. Gañadora do premio do xurado no Festival de Cannes. Comedia na que un excéntrico profesor organiza unha banda de ladróns pouco competentes para roubar o Bandit Queen, un barco casino do Mississipi.

         ARTHUR Y LOS MINIMOYS. Animación.

             Día: 19 de setembro.

             Hora: 18:00 horas.

             Lugar:Edificio Multiusos.

                       Debuxos animados e imaxe real. Xusto cando a súa avoa está a piques de perder a casa na que vive, Arthur lembra que o seu avó lle falou dun gran tesouro oculto na terra dos Minimoys, un universo de pequenos seres fantásticos. O maior proxecto de animación feito en Europa. Con Mia Farrow.

          DE PROFUNDIS.Animación para adultos.

              Día: 26 de setembro.

              Hora: 18:00 horas.

              Lugar: Edificio Multiusos.

                        Debuxos animados do coruñés internacional Miguel Anxo Prado e banda sonora de Nani García: unha viaxe ó fondo do mar, un soño en imaxes, un poema animado…

 

 
SORTEO VIAXE EXPO ZARAGOZA 2008
25/06/08

 

RESULTADOS DO  SORTEO PÚBLICO DO PROGRAMA “ VIVIR O MUNDO:VIVIR EUROPA 2008. EXPO ZARAGOZA”, DA DEPUTACIÓN DA CORUÑA.         

      No salón de plenos do Concello de Santa Comba, celebrouse o día 24 de xuño  e na presenza da secretaria da corporación e do público asistente,  o sorteo público para a adxudicación de oito prazas para a viaxe a Expo Zaragoza organizada pola Deputación da Coruña.         

      Estes son os  oito candidatos selecciónados e os primeiros oito suplentes, dos vinte e nove rapaces que optaban á praza.

 CANDIDATOS SELECCIONADOS.

1.- Valeria Cancela Rial.

2.- Manuel Rial Calvo.

3.- Daniel Ríos García.

4.- Tamara González López.

5.- Tania Fidalgo Martínez.

6.- Miguel Angel Barbeira Vilar.

7.- Alba Caamaño Castro.

8.- Alba Vilariño Ares 

 CANDIDATOS SUPLENTES.

9.- María Cancela Mata.

10.- Pablo Oreiro Landeira.

11.- Claudia Ríos García.

12.- Natalia Cernadas Fariña.

13.- Nerea Míguez González.

14.- Sara Souto Ares.

15.- Lucía García Barreiro.

16.- Alejandro Pazos Antelo.          

       Os nenos e nenas visitarán desde o 17 ó 21 de xullo a Expo Zaragoza, e participarán en distintas actividades de carácter cultural e lúdico-recreativo na capital aragonesa, incluídos no programa.         

       As viaxes realizaranse en autobús desde o concello ata a cidade da Coruña e en tren desde a capital herculina ata Zaragoza.         

       A saída de cada unha das quendas será ás 18 horas desde a Estación de San Cristovo da Coruña, e a chegada a Zaragoza ás 6 horas.

       Os nenos pasarán dúas xornadas completas na EXPO 2008, e a última visitando a capital aragonesa.         

       O concello de Santa Comba viaxará na SEXTA  QUENDA, do 17 ó 21 de xullo, xunto cos concellos de:Ames, A Baña, Boqueixón, Brión, Dodro, Negreira, Padrón, Rois, Teo, Val do Dubra e Vedra.          

 

                         DESDE O CONCELLO DESÉXASELLES FELIZ VIAXE A TÓDOLOS NENOS E NENAS

 

 
FESTIVAL FOLCLÓRICO SANTA COMBA 2008
25/06/08

 

 

                                                     FESTIVAL FOLCLÓRICO SANTA COMBA 2008.

          Catro agrupacións folclóricas participarán o sábado 28 de xuño no Festival Folclórico Santa Comba 2008.

          O Festival comezará ás 16:30 horas coa concentración dos grupos diante do Edificio Multiusos, de onde partirán percorrendo as rúas Xosé Ferrero, Suárez Vence e Afonso Molina, para rematar no Campo da Feira, onde dará comezo o Festival ás 17:00 horas.

          Actuarán:

-          Grupo “RETROUSO” da Asociación de Veciños “A FERVENZA DE OUSANDE”. A ESTRADA- PONTEVEDRA.

-          ASOCIACIÓN XUVENIL “REGUEIFA” . VAL DO DUBRA-A CORUÑA.

-          ASOCIACIÓN CULTURAL “XEITURA” ESTEIRO-MUROS-A CORUÑA.

-          ESCOLA MUNICIPAL DE MÚSICA E BAILE TRADICIONAL DO CONCELLO DE SANTA COMBA.

          O Festival serve como peche do curso da Escola de Música e Baile Tradicional do Concello de Santa Comba.

 

 
<< Inicio < Anterior 51 52 53 54 55 56 57 58 59 Seguinte > Final >>

Resultados 325 - 330 de 354
Benvida
Antonio Landeira Gallardo

O alcalde de Santa Comba, Antonio Landeira Gallardo, davos a benvida e deséxavos unha boa navegación pola web do noso concello.
 

Axenda

« < Xullo 2014 > »
Lu Ma Me Xo Ve Sa Do
30 1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31 1 2 3
Publicidade