PRIMEIRA.- PARTICIPANTES

Poderán participar no concurso tódolos nenos e nenas de idades comprendidas entre 0 e 12 anos, de xeito individual, por parellas ou en grupos de ata cinco persoas.

Os participantes deberán cubri-lo formulario de inscrición.

SEGUNDA.- LUGAR E PRAZOS DE PRESENTACIÓN

As solicitudes para participar no concurso entregaranse na Casa da cultura ou no Edificio multiusos do concello, ata o venres 20 de febreiro, en horario de mañá e o mesmo día ata o momento do concurso, no propio pavillón.

TERCEIRA.- DATA E LUGAR DE CELEBRACIÓN DO CONCURSO

No pavillón polideportivo municipal, o domingo 22 de febreiro, no transcurso da festa do entroido, que dará comezo ás 17:00 h.

CUARTA.- GAÑADOR DO CONCURSO

O xurado estará composto polo concelleiro de cultura, por persoal do concello ou persoas nas que deleguen, e por dúas persoas do público elixidas ó chou.

Para a designación dos gañadores, o xurado valorará o deseño dos traxes, a imaxinación, a orixinalidade e a simpatía dos participantes.

QUINTA.- PREMIOS

Un premio para o mellor grupo ou parella, dotado cun vale de 100 € para material escolar.

Tres premios (1º, 2º e 3º) para os mellores individuais, dotados con vales de 70 €, 50 € e 30 € respectivamente para material escolar.

NOTA: A participación neste concurso supón asumir todo o recollido nas bases.

SEXTA.- PUBLICIDADE

Con motivo da celebración do Entroido 2009, o domingo 22 de febreiro terá lugar a partir das 17:00 horas a Festa do Entroido 2009.

O programa é o seguinte:

Ás 17:00 horas dará comenzo a Festa infantil de disfraces con inchables, obradoiros de maquillaxe e globoflexia, bonecos de animación...

A continuación e no trancurso da festa terá lugar o II Concurso infantil de disfraces 2009.

Arredor das 19:30 horas fallarase o I Concurso de filloas, que este ano é novidade na celebración destas festas. Repartiranse filloas entre os asistentes a festa.

As bases do concurso de disfraces infantil e o de filloas poderán recollerse na Biblioteca Municipal, en horario de mañá e tarde de luns a venres e os sábados pola mañá; ou ben poden consultarse nesta mesma páxina.

Para anotarse nos concursos poden facelo na Casa da Cultura ou no Edificio Multiusos ou ben nos teléfonos: 981 88 02 75 e 981 88 14 62.

NOTA INFORMATIVA A Xunta de Galicia, en cumprimento do Decreto 13/2009 do 29 de xaneiro, fixo públicas as convocatorias de axudas para a reparación de danos causados polo temporal acaecido en Galicia

    1. axudas para as explotacións agrícolas e gandeiras Orde do 2 de febreiro

      (DOG martes 3 de febreiro)

    2. axudas destinadas a sufragar os danos causados en vivendas e instalacións complementarias.

      Orde do 2 de febreiro  (DOG martes 3 de febreiro)

    3. axudas e subvencións por danos persoais Orde do 2 de febreiro

      (DOG martes 3 de febreiro)

• Prazo de solicitudes: 1 mes a partir da publicación no DOG (3 de febreiro de 2008)
• Información: Axencia de Desemvolvemento Local e Oficina de Medio Ambiente, sitas na Casa da Cultura do Concello de Santa Comba